Kuwezesha jumuiya za karibu za Zanzibar kutumia teknolojia ya Taswira ya Mtaa

Kuongeza ujuzi pamoja

Kuweka maeneo yote katika ramani ni changamoto. Kwa hivyo timu ya WT360 iliungana na wanafunzi kumi na wawili wa kujitolea kutoka chuo cha State University of Zanzibar ili kusaidia kuweka eneo la kisiwa kizuri cha Unguja kwenye ramani. Wakiongozwa na utaalamu wa Federico, Nickolay na Chris, walinasa jumla ya kilomita 1,700 za video.

Kadiri Zanzibar inavyokua, timu ya Federico huonyesha upya picha za 360 za mitaa ya Zanzibar ili kutoa usaidizi wa kuboresha miundombinu, na kuvutia watalii wengine kutembelea nchi hiyo.

Kutangaza biashara duniani kote kwa kutumia picha za 360

Mwanzoni mwa mwaka huu, Federico alianza kutalii kisiwa cha kaskazini cha Pemba. Ndani ya siku 6, Federico na Ibrahim Khalid, mwanafunzi wa kujitolea, walinasa zaidi ya kilomita 500 za picha na panorama 40 za angani, ambazo walizipakia kwenye Ramani za Google kwa kutumia Studio ya Taswira ya Mtaa.

Kupitia video sahihi za vivutio vya watalii, vituo vya turathi, hoteli na biashara, waliweza kuandaa National Global Tour of Zanzibar, jukwaa la picha ambalo linakua kwa kasi na linatangaza visiwa hivyo duniani kote.

Kuanzia uwekaji wa maeneo kwenye ramani hadi kutengeneza fursa za ajira

Federico alipoonana kwa mara ya kwanza na Shamymu Yassin, alikuwa mwanafunzi wa kujitolea aliyekuwa na ndoto ya kuwa mdhibiti wa ndege isiyo na rubani. Kutokana na wajibu wa kuboresha mustakabali wa Zanzibar, Shamymu aliungana na timu ya WT360 ili kujifunza kuhusu teknolojia ya Taswira ya Mtaa. Alifundishwa kuhusu kamera bora zaidi ya kutumia, jinsi ya kunasa picha na jinsi ya kuzipakia kwenye Ramani za Google. Baada ya muda mfupi, Shamymu alibobea katika ujuzi huu na akawa mtaalamu wa kupiga picha, akitalii na kuweka maeneo ya visiwa vya Zanzibar kwenye ramani ili kujipatia riziki.

Hivi sasa, Federico, Shamymu na Ibrahim wanafanya kazi ya kupakia picha mpya za angani za kisiwa cha Zanzibar, kwa kuzingatia maeneo yaliyoendelezwa hivi karibuni, biashara mpya na hoteli zilizofanyiwa ukarabati. Na kutokana na kufunguliwa kwa bustani ya burudani katika Zanzibar, dhamira yao inaendelea kukua.

Makala yanayohusiana

Kuandaa msingi wa kuweka Zanzibar kwenye ramani na kuwezesha jamii za nchini

Pata maelezo zaidi kuhusu jinsi serikali ya Zanzibar na wapigapicha wa WT360 walivyoanzisha mradi wa kuweka nchi hiyo kwenye ramani.

Soma Makala

Kuweka maeneo mengi ya Zanzibar kwenye ramani: uchapishaji bora na wa haraka wa data ukitumia Studio ya Taswira ya Mtaa

Ubora wa picha na kamera umeongezeka tangu mwaka 2019. Na kwa kuanzishwa kwa Studio ya Taswira ya Mtaa shughuli ya kuchapisha picha imekuwa rahisi na ya haraka. Wapigapicha wanaweza kupakia video nyingi zinazozunguka digrii 360 kwa wakati mmoja, kufuatilia hatua za maendeleo, kutafuta maudhui yaliyopakiwa kulingana na eneo au jina la faili halisi na kupanga mikusanyiko yao ya baadaye kwa kutumia maelezo wasilianifu yanayowekwa kwenye ramani.

Kujenga fursa za siku zijazo

Mradi wa Zanzibar ulianza kwa lengo la kuwawezesha na kuwaelimisha wanafunzi wanaokaa nchini humo kuweka maeneo ya nchi yao kwenye ramani, na tangu hapo imeleta matokeo chanya zaidi duniani. Katika kipindi cha miaka mitatu, mradi huu umechochea ukuaji wa biashara za karibu na kufungua fursa za ajira kwa wafanyakazi wa kujitolea wa zamani kama Shamymu na Ibrahim.